O
Día Internacional da Eliminación da violencia contra a muller vense celebrando
o 25 de novembro dende hai moitos anos. A convocatoria foi iniciada polo
movemento feminista latinoamericano en 1981 en conmemoración da data na que
foran asasinadas tres irmás.
En
1999 a xornada de reivindicación foi asumida pola Asemblea Xeral das Nacións
Unidas, convidando a gobernos, a organizacións internacionais e a
organizacións non gubernamentais a convocar actividades dirixidas a
sensibilizar a opinión pública sobre a violencia de xénero.
Este tipo de violencia ten a súa orixe na falta de
equidade nas relacións entre homes e mulleres e na discriminación
persistente cara a elas. Isto convértese
nun problema social tanto no ámbito
doméstico como no público que atingue a diferentes vertentes como á física, á
sexual, á psicolóxica, á económica, á cultural…
Dende o IES Asorey dicimos BASTA
XA! Que a discriminación sexista e o maltrato se volva pasado e non teña cabida na nosa
sociedade NUNCA MÁIS!