DÍA EUROPEO SEN COCHES
O pasado 22 de setembro, os
alumnos de 4º ESO do IES Francisco Asorey asistimos a un evento sobre o Día
europeo sen coches. Baixamos andando ata o centro onde nos esperaba un policía
municipal e o Concelleiro de urbanismo. O policía municipal, Alejandro Falcón,
deunos unha pequena charla. Explicounos como eran as rúas na súa infancia, como
non había case coches circulando e cono grazas a iso, as rúas eran utilizadas
para xogar e socializar. Era o lugar de encontro cos amigos. Agora iso cambiou.
Hoxe en día, as rúas son lugares para os coches. Na nosa man está cámbialo e
recuperar ese espazo para os peóns ou non.
Tamén tivemos a oportunidade de
estar con varias representantes do Refuxio de Cambados. Elas tamén nos contaron
as súas aventuras de xuventude e de como
xogaban cos cans na rúa. As portas das casas estaban abertas e cando alguén
quería algo, ía a calquera casa e era atendido. Ese tipo de veciñanza tamén se está a perder. Agora iso xa
non se pode facer.
Po último, e grazas a que o
Concello cortou ao tráfico a rúa Isabel II, desfrutamos dun montón de xogos
populares cos que desfrutaban os nosos
avós cando eran pequenos. A verdade é que os hai superdivertidos, aínda que
algúns non están feitos para xente con pouca paciencia.
Pasámolo xenial! E saímos na tele
e na prensa!