Celebrouse o festival das Letras Galegas cheo de música
e cor, onde a poesía, a música, a danza e o teatro se fundiron para crear un
corpo artístico protagonizado polo alumnado do IES Francisco Asorey, apoiado
pola mestría dos irmáns Xesteira que aínda gardan un recunchiño neste
instituto.
O espectáculo foi presentado por Telmo
Fontela. Participaron alumnos de 1º ESO
cunha performance co poema de Manuel María “ Bando “; recitaron Mariña Area, Marta Leiro, Lucía
Boullosa, Laura Constantino, Jessica Coejo e
Carlos Rey, estes dous últimos
con poemas propios. Iago Fraga
elaborou e interpretou un conto baseado na vida de Casares. Rapearon Rubén Domínguez e un grupo de alumnos de 4º
ESO C con raps creados por eles mesmos máis unha versión do “Rap da Lingua” de
Migallas. Bailaron María Area e Iria Ferreiro ao son da fermosa voz de Paula
Romero, que interpretou a composición de Luar na Lubre “Hai un paraíso”. Paula
Romero, ademais, puxo voz a unha canción moi coñecida na nosa cultura galega
titulada “Lela”. Mariña Costa cantou con voz máxica “ Matriarcas” do álbum
musical de Guadi Galego. Anxo Xesteira á guitarra e a voz
de Mariña Area, deron luz a un poema de Cabanillas titulado “Fouce
esquecida”. Alumnos de 1ª Bacharelato A, escenificaron un relato de Castelao titulado “O pai de
Migueliño”, no que Crhistian Castro de 1º ESO C, se puxo na pel de Migueliño. O espectáculo rematou coa actuación do grupo
profesional “Treboada”.
Parabens!!